Для аказання медыцынскай дапамогі рабочым і службоўцам завода 01.03.1947 года рашэннем Сталінскага райвыканкама г. Мінска №8 арганізавана медыка-санітарная часць (МСЧ МТЗ) са стацыянарам на 40 ложкаў. У яе структуры - паліклініка, якая абслугоўвае 2 цэхавыя ўчасткі, стацыянар на 30 ложкаў і родавае аддзяленне на 10 ложкаў. У штаце медсанчасткі налічвалася 17 урачоў, 14 сярэдніх медпрацоўнікаў, усяго 69 пасад.
У гісторыі развіцця 6-й гарадской клінічнай бальніцы можна вылучыць тры асноўныя перыяды:
- Аказанне прафілактычнай і лячэбна-дыягнастычнай стацыянарнай дапамогі работнікам завода, насельніцтву ў перыяд функцыянавання Медыка-санітарнай часці Мінскага трактарнага завода (01.03.1947 – 03.12.1964 – 17 гадоў 8 мес.).
- Арганізацыя прафілактычнай і лячэбна-дыягнастычнай стацыянарнай дапамогі ў перыяд утварэння і існавання 6-й гарадской аб'яднанай бальніцы (03.12.1964 – 02.10.1969г. – 4 гады 10 мес.);
- Дзейнасць ў якасці «6-й гарадской клінічнай бальніцы».
Увесь перыяд работы стацыянара МСЧ МТЗ характарызуецца сістэматычным павелічэннем аб'ёму стацыянарнай дапамогі, так у 1960 г. ложкавы фонд складаў 250 ложкаў. У гэты ж перыяд арганізавана работа дапаможных аддзяленняў: рэнтгеналагічнага, фізіятэрапеўтычнага, лячэбнай фізкультуры. Са здачай у эксплуатацыю корпуса па вул. Уральскай, 5 (30.12.1964) колькасць ложкаў склала – 500, у тым ліку:
- 130 – тэрапеўтычныя;
- 60 – хірургічныя;
- 60 – траўматалагічныя;
- 80 – дзіцячыя;
- 50 – неўралагічныя;
- 60 - ЛОР;
- 60 – гінекалагічныя.
Рашэннем Мінгарвыканкама № 328 ад 03.12.1964 г. медсанчасць Мінскага трактарнага завода рэарганізавана і перайменавана ў «6-ю гарадскую аб'яднаную бальніцу». З паказанага часу пачынаецца другі перыяд развіцця. У склад бальніцы, акрамя стацыянара на 500 ложкаў да 1973 г. уваходзілі: медсанчасць МТЗ (9 дарослая, 9 дзіцячая, 25 паліклінікі), 14 дзіцячая, 14 дарослая паліклінікі, паліклінікі Мінскага завода аўтаматычных ліній, Мінскага маторнага завода, Мінскага завода запчастак.
За другі перыяд развіцця бальніцы ложкавы фонд павялічыўся на 225 ложкаў і дасягнуў 725 за кошт здачы ў эксплуатацыю акушэрскага корпуса на 125 ложкаў і ўшчыльнення існуючых плошчаў. У бальніцы абслугоўваліся не толька працоўныя прамысловых прадпрыемстваў, але і жыхары Першамайскага, Заводскага раёнаў і інш. раёнаў горада. Медыцынская дапамога аказвалася па 17 спецыяльнасцях.
02.10.1969 г. загадам Мінскага гарадскога аддзела аховы здароўя № 64, «6-я гарадская аб'яднаная бальніца рэарганізавана і перайменавана ў «6-ю гарадскую клінічную бальніцу».
У трэцім перыядзе па цяперашні час працягваецца пашырэнне магутнасці бальніцы, удасканаленне дыягностыкі і лячэння.
У 1976 г. уведзены ў эксплуатацыю тэрапеўтычны корпус на 300 ложкаў, што дазволіла значна змяніць структуру ложкавага фонду, атрымалі далейшую спецыялізацыю тэрапеўтычная, траўматалагічна – артапедычная і акушэрска-гінекалагічная службы, якія функцыянуюць і да цяперашняга часу.
У 1980 г. пабудаваны тыпавы харчовы блок, падземны пераход паміж усімі корпусамі бальніцы. У 1993 г. уведзены ў эксплуатацыю акушэрскі корпус на 130 ложкаў і адміністрацыйны будынак.
З адкрыццём 6-й ГКБ на базе аддзяленняў працавалі кафедры медынстытута (цяпер медыцынскага ўніверсітэта): лячэбнай фізкультуры і ўрачэбнага кантролю, неўралогіі, акушэрства і гінекалогіі, прапедэўтыкі ўнутраных хвароб, траўматалогіі, артапедыі і ваенна-палявой хірургіі. Гэта дазволіла значна актывізаваць работу па вынаходніцтве і рацыяналізатарскіх прапановах. Найбольшы ўклад у гэтым пытанні ўнесены кафедрай траўматалогіі і артапедыі.
За перыяд з 1984 г. падрыхтаваны і абаронены дысертацыі на званне кандыдата медыцынскіх навук Белецкім А.В., Сярдзючэнкам М.С., Макарэвічам Я.Р., Валашанюком А.М., Гурко В.М., Корнем М.М., Клімовіч А.В., Врублеўскім В.А., Жыхаром М.А., Трайцом С.І., Нікіціным Д.А., Даніленка А.А., Пісаранка Я.А., Саржэўскай Я.А., Валковым В.Ф., у далейшым Сярдзючэнка М.С., Макарэвіч Я.Р., Сівіц М.Ф. абаранілі дактарскія дысертацыі, загаднікам 2-м траўматалагічна–артапедычным аддзяленнем Пашуком П,П, было зарэгістравана 5 вынаходніцтваў, 7 патэнтных распрацовак.
14 кастрычніка 2003 г. на падставе рашэння Мінгарвыканкама № 1753 уведзены ў строй пасля рэканструкцыі гарадскі клінічны цэнтр траўматалогіі і артапедыі, псіхіятрычны, гінекалагічны, тэрапеўтычны корпусы.
За час дзейнасці бальніцы ў родавым аддзяленні колькасць нованароджаных склала 245 тысяч, пры гэтым 24 студзеня 1972 г. у аддзяленні нарадзіўся мільённы жыхар г. Мінска. Ім апынуўся першародка сям'і маладых рабочых швейнага аб'яднання імя Крупскай Зоі Фёдараўны Кудзінай і Валянціна Уладзіміравіча Басько. Бацькі назвалі свайго першынца Алегам.
Паўтарамільённы мінчанін нарадзіўся таксама ў родавым аддзяленні бальніцы 5 красавіка 1985 г. – сын работнікаў трактарнага завода Аляксандра Барысік і Тамары Барысік - Дзмітрый. Падчас рэгістрацыі паўтарамільённага жыхара г. Мінска прысутнічаў і 13 – гадовы мінчанін, вучань 6 класа СШ № 54 Алег Басько.
Больш за 107 тысяч насельніцтва г. Мінска, рэгіёнаў краіны, гасцей сталіцы штогод атрымліваюць гэтую дапамогу ў УЗ «6-я гарадская клінічная бальніца»., у т.л. каля 39 тысяч высокакваліфікаваную стацыянарную дапамогу , каля 19 тысяч кансультатыўную дапамогу. 54% (каля 48 тысяч) ад больш за 89 тысяч звярнуўшыхся ў прыёмнае аддзяленне праходзяць практычна поўнае медыцынскае абследаванне на працягу 1,5 – 2 гадзін з выдачай рэкамендацый, афармленнем медыцынскіх прызначэнняў, актыву ў паліклініку. «Установа аховы здароўя «6-я гарадская клінічная бальніца» пастаянна развіваецца, удасканальваюцца метады дыягностыкі і лячэння, укараняюцца ў практыку работы самыя сучасныя метадыкі абследавання, дыягностыкі, лячэння. На базе клінікі функцыянуюць: Рэспубліканскі цэнтр хірургіі кісці, гарадскі цэнтр траўматалогіі, гарадскі цэнтр астэаміэлітаў, гарадскі цэнтр трансфузіялогіі, для якога пабудавана і ўведзена ў эксплуатацыю 1 лістапада 2022 г. новае збудаванне, абсталяванае самым сучасным абсталяваннем, раённы эндаскапічны цэнтр Партызанскага раёна, на базе клініка–дыягнастычнай лабараторыі - цэнтр калектыўнага карыстання замацаванага амбулаторна – паліклінічнага звяна.
На базе роддома клінікі арганізавана работа унікальнага аддзялення маці і дзіцяці з сучасным родавым залам і палатамі кватэрнага тыпу, выкананыя ў выглядзе прасторных кватэр для максімальнага камфорту пацыенткі і яе сваякоў.
Штодня 932 медыцынскіх работніка, іншага персаналу клінікі займаюць свае працоўныя месцы, каб забяспечыць выкананне пастаўленых задач па аказанні кваліфікаванай медыцынскай дапамогі: у прыёмныя аддзяленні клінікі, кансультатыўныя кабінеты звяртаюцца каля 350 пацыентаў, выконваецца больш за 8 тысяч даследаванняў: рэнтгенадыягнастычных, функцыянальных, клініка–дыягнастычных на абсталяванні вышэйшага класа дакладнасці; з максімальнай нагрузкай працуюць аперацыйныя блокі, дзе ў суткі выконваецца каля 100 аперацый, у т.л. высокатэхналагічныя: эндапратэзаванні каленных, плячавых суставаў, суставаў кісці, алапластыка, аўтапластыка касцей, гінекалагічная пластыка з выкарыстаннем эндапратэзаў, аперацыі на грыжах страваводавага адтуліны дыяфрагмы, рэканструктыўныя аперацыі на пазапечаначных жоўцевых пратоках, эндаскапічныя аперацыі па аднаўленні прасвету трахеабранхіяльнага дрэва, лазернай вапарызацыя папілом, рэканалізацыя стрэктур, нараджаецца ў сярэднім каля 15 дзетак.
Акцэнт робіцца на медыцыну органазахоўваючую, органааднаўляючую, на хірургічныя ўмяшанні, якія выконваюцца малаінвазіўным метадам, усё, што дазволіць не толькі выратаваць хворага, але і палепшыць якасць жыцця, звесці да мінімуму рызыку рэцыдыву захворвання.
Сярод найважнейшых пераваг клінікі не толькі яе ложкавая магутнасць, але і шматпрофільнасць: траўматалагічны, артапедычны, кардыялагічны, пульманалагічны, рэўматалагічны, гастраэнтэралагічны, гінекалагічны, хірургічны, профілі, аддзяленне астэаміэлітаў, роддом.
Непасрэднае навучанне «ля ложка хворага» ажыццяўляюць выкладчыкі кафедр медыцынскага ўніверсітэта і Мінскага медыцынскага каледжа.
На базе клінічнай бальніцы працуе 9 кафедр, у тым ліку 1 кафедра БелМАПА і 8 кафедр БДМУ:
- траўматалогіі і артапедыі;
- анестэзіялогіі і рэаніматалогіі;
- акушэрства і гінекалогіі;
- прапедэўтыкі ўнутраных хвароб;
- кафедра кардыялогіі і ўнутраных хвароб;
- медыцынскай рэабілітацыі і фізіятэрапіі;
- 2-я кафедра дзіцячых хвароб;
- ваенна-палявой хірургіі.
